Unnið verður að því að efla þekkingu, leikni og hæfni nemenda til að takast á við daglegt líf.
Lögð er áhersla á viðfangsefnið “Samskipti, skóli, vinna, tómstundir og heimilishald”. Verkefnin byggjast á umræðum og sjálfsskoðun þar sem nemendur æfast sjálfir í að leita úrlausna. Unnið verður að því að auka meðvitund nemenda á ábyrgð einstaklingsins gagnvart búsetu, tómstundum verkmenningu og neytendamálum svo dæmi séu tekin. Nemendur læra um heimilishald, samhengi útgjalda og tekna og heimilisstörf s.s bakstur, matreiðslu, innkaup, þvotta og þrif. Einnig er áhersla lög á að nemendur verði meðvitaðir um eigin tilfinningar, geti tjáð skoðanir sínar á jákvæðan hátt og geti átt jákvæð samskipti við aðra einstaklinga óháð kyni, kynferði, þjóðerni, trú og líkamlegu atgerfi.
Engar
Nemandi skal hafa öðlast þekkingu og skilning á:
samfélagslegum gildum, siðfræði, mannréttindum og jafnrétti
mikilvægi sjálfstæðis og eigin ábyrgðar í lýðræðissamfélagi
mikilvægi eigin ábyrgðar á velferð sinni, líkamlegri og andlegri
samskiptareglum í tómstundum, vinnu og skóla
verklagi við heimilisstörf
samhengi gjalda og tekna við rekstur heimilis
eigin tilfinningum, skoðunum sínum
mikilvægi þess að bera virðingu fyrir einstaklingnum og skoðunum hans
Nemandi skal hafa öðlast leikni í að:
bera virðingu fyrir sjálfum sér
bera ábyrgð á eigin velferð, líkamlegri og andlegri
vera verklega sjálfbjarga í daglegu lífi
eiga innihaldsrík og góð samskipti við aðra og virða skoðanir annarra
Nemandi skal geta hagnýtt þá almennu þekkingu og leikni sem hann hefur aflað sér til að:
eiga uppbyggileg samskipti og samstarf við aðra einstaklinga
hafa trú á eigið ágæti og geta hagnýtt sterkar hliðar sínar á jákvæðan hátt
taka ábyrga afstöðu til eigin velferðar, líkamlegrar og andlegrar
vera sjálfstæður og sjálfbjarga við vinnu og dagleg störf
taka þátt í líðræðissamfélagi á virkan og ábyrgan hátt
Námsmat er fjölbreytt og byggir m.a. á leiðsagnarmati, virkni í kennslustundum og ástundun.