Það kom upp villa senda inn  Áfangi

    Áfangi Nánari upplýsingar


    Búið til: 1523357423.68

    Næringarfræði
    NÆRI1GR05
    7
    næringarfræði
    grunnáfangi í næringarfræði
    Samþykkt af skóla
    1
    5
    Í áfanganum er gerð grein fyrir viðfangsefnum næringarfræðinnar, farið í helstu hugtök og undirstöðuatriði fræðigreinarinnar. Helstu efnisþættir eru: matur, næring og heilbrigði, orka og orkuefni fæðu, kolvetni, fita og prótein, melting, vatn sem næringarefni, steinefni, vítamín, næringargildi matvara og máltíða, næringarþarfir sérstakra hópa, næringartengdir sjúkdómar og áhrif matreiðsluaðferða á næringargildi. Lögð er áhersla á að nemendur öðlist þekkingu á grundvallaratriðum næringarfræðinnar og samspili næringar, heilsu og líkamsþjálfunar.
    Nemandi skal hafa öðlast þekkingu og skilning á:
    • samspili matar, næringar og heilbrigðis
    • orku og orkuefnum fæðunnar og orkubúskap líkamans
    • meltingu
    • vatni sem hluta fæðu
    • steinefnum
    • vítamínum
    • næringargildi matvara og máltíða
    • næringarþörfum sérstakra hópa
    • næringartengdum sjúkdómum
    • áhrifum matreiðsluaðferða á næringargildi
    Nemandi skal hafa öðlast leikni í að:
    • lesa næringarfræðilegar upplýsingar úr máli og myndum
    • beita hugtökum næringarfræðinnar
    • þekkja þau efni sem fæða hans er samsett úr
    • reikna orkuinnihald og næringarefnainnihald fæðu
    • setja saman hollan matseðil fyrir mismunandi hópa
    Nemandi skal geta hagnýtt þá almennu þekkingu og leikni sem hann hefur aflað sér til að:
    • auka skilning sinn á næringarfræðilegum viðfangsefnum
    • geta tekið rökstudda afstöðu til næringarfræðilegra álitamála
    • tengja undirstöðuþekkingu í næringarfræði við daglegt líf og sjá notagildi hennar
    • taka ábyrgð á eigin lífi m.t.t. næringarþarfa og heilbrigðis
    • afla sér frekari þekkingar á sviði næringarfræðinnar
    Námsmat byggist á áfangamarkmiðum. Þess skal gætt að námsmat taki til allra þátta námsins og meti þekkingu nemandans, skilning og færni auk framfara, vinnulags og hugkvæmni. Lokamat er í formi lokaprófs, lokaverkefnis eða símats.