Í áfanganum verður farið yfir helstu grunndvallaratriði í líffæra- og lífeðlisfræði. Þau atriði sem verður farið í eru meðal annars jafnvægishneigð, svæðaskipting, áttir, líkamshol, bygging frumunnar, frumulíffærin, flutningur efna yfir himnur, frumuskiptingar, vefi og vefjaflokka.
Farið verður einnig yfir eftirfarandi líkamskerfi:
Þekjukerfið (lagskipting húðar og líffæri húðar)
Beinakerfið (beinmyndun, flokkum beina og beingrindin)
Vöðvakerfið (hlutverk, bygging, vöðvasamdráttur, helstu vöðvar og hlutverk þeirra)
Taugakerfið (taugafruma, taugaboð, taugaboðefni, taugaflækjur og sympatíska- og parasympatíska taugakerfið, miðtauga- og úttaugakerfið)
Skynfærakerfið (skynfærin og hlutverk þeirra)
Innkirtlakerfið (kirtlarnir, vakar þeirra og hlutverk)
Nemandi skal hafa öðlast þekkingu og skilning á:
grunnbyggingu og starfsemi mannslíkamans
starfsemi frumna og vefjagerðar
helstu líffærum og líffærakerfum og samspili þeirra í viðhaldi á samvægi í líkamanum
byggingu og starfsemi þekju-, beina-, vöðva-, tauga- og innkirtlakerfis
Nemandi skal hafa öðlast leikni í að:
útskýra byggingu og hlutverk þekju-, beina-, vöðva-, tauga- og innkirtlakerfis
notast við latnesku fræðiheitin
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á tengslum tveggja eða fleiri líffærakerfa ...sem er metið með... umræðum, skriflegum og munnlegum verkefnum og prófum
Námsmat byggist á áfangamarkmiðum. Þess skal gætt að námsmat taki til allra þátta námsins og meti þekkingu nemandans, skilning og færni auk framfara, vinnulags og hugkvæmni. Lokamat er í formi lokaprófs, lokaverkefnis eða símats.