Í áfanganum eru kynnt helstu stýrikerfi sem notuð eru í iðnstýringum, þ.e. segulrofastýringar, loftstýringar, rafeindastýringar og iðntölvustýringar og farið dýpra í segulliðastýringar, þ.e. kraft- og stýrirásir, en gert var í STÝR1GA04AR. Farið er yfir virkni og notkun yfirálagsvarna og mótorvarrofa. Haldið er áfram með teikningar og staðla sem og kennslu teikniforrita fyrir segulrofastýringar. Farið er yfir notkun tengilista og tengilistanúmera, strengja- og víramerkingar. Kynntar eru nokkrar ræsiaðferðir rafmótora, svo sem Y/D-ræsing, bein ræsing og mjúkræsingar. Nemendur kynnast helstu skynjurum og notagildi þeirra. Skoðað er hvernig hægt er að nota stýrtækni í lofti og glussa. Námið í áfanganum byggist að miklu leyti á verkefnavinnu og verklegum æfingum þar sem nemendur tengja, prófa og mæla og taka saman niðurstöður. Lögð er áhersla á að nemendur nýti sér mælitæki til að finna tengivillur og bilanir.
STÝT1GA04AR
Nemandi skal hafa öðlast þekkingu og skilning á:
helstu stýrikerfum sem notuð eru í iðnstýringum.
notkun og virkni á yfirálagsvörnum fyrir rafmótora, mótorvarrofa og varnarbúnað sem notaður er í tengslum við kraft- og stýrirásir.
notkun og virkni endastoppsrofa, flotrofa og neyðarstoppsrofa.
notkun og virkni á þrýstiliðum og segullokum.
notkun á tengilistum og tengilistanúmerum.
notkun á merkingum, þ.e. víra- og strengjamerkingum.
tengingu stýribúnaðar við loft og glussa.
Nemandi skal hafa öðlast leikni í að:
nota nokkrar ræsiaðferðir fyrir rafmótora.
nota teikniforrit fyrir stýrirása- og kraftrásateikningar.
leggja upp rás með varnarbúnaði og skynjurum.
Nemandi skal geta hagnýtt þá almennu þekkingu og leikni sem hann hefur aflað sér til að:
framkvæma bilanaleit í segulliðastýringum.
skilja upplýsingar af skiltum rafmótora.
tengja stýri- og kraftrásir skammhlaups-mótora.
setja upp og tengja rás með varnarbúnaði, rafvélum og skynjurum.
Áfanginn byggir á verkefnastýrðu námi. Í símati séu lágmark 5 matsþættir. Lámarkslokaeinkunn er 5.