Áfanginn inniheldur þekkingu og þjálfun í uppröðun borða í veitinga- og/eða veislusal, þar með talin dúkun, borðlagning fyrir grunnmatseðla með tilheyrandi vínum, munnþurrkubrot af mismunandi gerðum og við mismunandi tilefni. Meðhöndlun og notkun áhalda og tækja til fyrirskurðar og eldsteikingu, framreiðslu á veitingum samkvæmt faglegum venjum og frágangur á búnaði að notkun lokinni.
Í áfanganum er æfð framreiðsla vína, blöndun drykkja eftir stöðluðum uppskriftum og helstu efni og áhöld við vinnu á bar, nýjungar í blöndun óáfengra og áfengra drykkja. Áfanginn tekur til þekkingar á tölvunotkun við upplýsingaöflun og notkun forrita sem nýtast faginu til útreikninga, utanumhalds og gerð HACCP- og stjórnunargátlista. Er í ráðgefandi hlutverki gestgjafa.
Nemandi þarf aðvera á námssamningi og hafa lokið að lágmarki 50 vikum í starfsnámi framreiðslu áður en nám í áfanganum hefst.
Nemandi skal hafa öðlast þekkingu og skilning á:
mismunandi uppröðun borða eftir tilefnum og staðháttum
almennum reglum við borðlagningu og framreiðslu veitinga
borðlagningu fyrir grunnmatseðla með tilheyrandi vínum
framreiðsluaðferðum, tækjum og áhöldum
eldsteikingu og fyrirskurði
meðferð vína og umhellingu
blöndun drykkja, uppskriftum, efnum, breytiþáttum, áhöldum og tækum
almennum frágangi á veitingasal samkvæmt faglegum og/eða stöðluðum hefðum/kerfum, HACCP- og gátlistum
Nemandi skal hafa öðlast leikni í að:
raða upp veitingasal aðlaga gestafjölda að rými
dúka borð samkvæmt faglegum hefðum
undirbúa á borðlagningu og framreiðslu veitinga
leggja á borð fyrir grunn matseðla með tilheyrandi vínum
taka á móti gestum
taka matar- og vínpantanir og ráðleggja við val rétta og vína
beita sértækum vinnubrögðum, verkfærum og tækjum
framreiða frá bar
ganga frá veitingasal samkvæmt faglegum og/eða stöðluðum hefðum/kerfum, HACCP og gátlistum
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja, útfæra og framkvæma grunnþætti í alhliða borðhaldi
geta skipulagt vinnusvæði og framreiðsluferla með tilliti til þess hvert tilefnið er
þróa kunnáttu og leikni í framreiðsluaðferðum
vera ráðleggjandi í grunnþáttum við val á drykkjum
samþætta notkun tækja, áhalda, hráefnis- og verkferla á bar
skilgreina og vinna úr þörfum gesta í vali á mat og drykk
geta sett upp hlaðborð fyrir öll tækifæri og skipulagt réttauppröðun