Áfanginn inniheldur þekkingu og þjálfun í skipulagningu og öguðum vinnubrögðum, uppstillingu veislu og/eða veitingasala, dúkun borða miðað við ýmis tækifæri og þemu ásamt borðlagningu eftir mismunandi matseðlum. Móttöku gesta, framreiðslu frá bar, sjálfstæðum vinnubrögðum í verkefnum. Í notkun á öllum helstu áhöldum, aðferðum, meðhöndlun hráefnis við fyrirskurð og eldsteikingu í augsýn gesta. Í framreiðslu á vínum og umhellingu, beitingu mismunandi framreiðsluaðferða. Lögð er áhersla á tímaáætlanir og að framreiðsla á mat og víni gangi eftir. Fagleg umgengni við gesti, svo sem svara spurningum um matseðil og vín. Þekking og þjálfun í meðhöndlun blóma og undirstöðuatriði í gerð blóma- og borðskreytinga. Áfanginn tekur til þekkingar á tölvunotkun við upplýsingaöflun og notkun forrita sem nýtast faginu til útreikninga, utanumhalds og gerð HACCP- og stjórnunargátlista.
Nemandi þarf aðvera á námssamningi og hafa lokið FRAM2VL13 og að lágmarki 60 vikum í starfsnámi framreiðslu áður en nám í áfanganum hefst.
Nemandi skal hafa öðlast þekkingu og skilning á:
mikilvægi faglegrar fyrirhyggju og agaðra vinnubragða við undirbúning og framkvæmd verkþátta
mikilvægi heildarútlits salarkinna og umhverfis
að framfylgja þeim óskum gesta sem hlotið hafa samþykki
að hafa fagmennsku í fyrirrúmi í beitingu framreiðsluhátta, tækja og áhalda
að tímaáætlanir standist
allri framreiðslu vína, meðhöndlun og umhellingu
mikilvægi þess að ávinna sér traust gesta skiptir sköpum til framtíðar
Nemandi skal hafa öðlast leikni í að:
undirbúa fyrir hvers kyns fundi, móttökur og borðhald eða veisluhöld
stjórna borðauppröðun og borðlagningu fyrir allar tegundir og stærðir matseðla
skipuleggja vinnu í samræmi við hefðir þar að lútandi
gera blómaskreytingar og skreyta borð með hliðsjón af hefðum, reglum og tilefni
skera fyrir og/eða eldsteikja og meðhöndla hráefni í augsýn gesta
bera fram mat eftir faglegum hefðum
framreiða frá bar
taka á móti gestum, vísa þeim til sætis á viðeigandi hátt og miðað við tilefni
Nemandi skal geta hagnýtt þá almennu þekkingu og leikni sem hann hefur aflað sér til að:
öðlast sjálfstæði í vinnubrögðum
taka á móti fólki í fjölþjóðlegu umhverfi með þjónustu og almennt siðferði að leiðarljósi
taka á móti og vinna úr öllum helstu óskum um viðburði innan veggja veitingahúss
miðla upplýsingum um veitingar sem í boði eru
leggja á borð og/eða stjórnar borðlagningu samkvæmt mat- og vínseðli
undirbúa eða stjórna undirbúning á veitinga- og/eða veislusölum
samhæfa alla þá þætti sem geta stuðlað að eins lýtalausri þjónustu og kostur er
stjórna og tímasetja framreiðslu á veitingum í samvinnu við eldhús og aðra þá sem að verkinu koma
skreyta veisluborð, meðhöndla blóma- og borðskreytingar
vinna sjálfstætt að verkefnum eftir viðurkenndum framreiðslu- og verkferlum