Áfanginn inniheldur þekkingu á grunnþáttum vínfræðinnar, sögu, landafræði, ræktun og ræktunarskilyrðum. Vínfræði bjórs, styrkts og eimaðs áfengis. Þekking á vinnu á bar notkun glasa, sérhæfðra tækja áhalda og íblöndunarefna. Þekkingu á breytum og aðlögun erlendar drykkjauppskriftir að íslenskri mælieiningu. Þekkingu til vínsmökkunar og skráningar á niðurstöðum. Umhellingu vína og ástæðna. Áfanginn tekur til þekkingar á tölvunotkun við upplýsingaöflun og notkun forrita sem nýtast til útreikninga og utanumhalds.
Nemandi þarf aðvera á námssamningi og hafa lokið áfanganum FRBV1FR06 og að lágmarki 50 vikum í starfsnámi framreiðslu áður en nám í áfanganum hefst.
Nemandi skal hafa öðlast þekkingu og skilning á:
sögu, landafræði og grunnþáttum víngerðar
þrúgutegundum, framleiðsluferli mismunandi borð- og styrktra vína
framleiðsluferli eimaðra vína, bittera og líkjöra
framleiðsluferli bjórs
hráefnisþörf, skipulagningu og uppsetningu á bar
vínsmökkun og skráningu upplýsinga
greiningu miða vínflaskna
þörf umhellingar vína ástæður og aðferðir
verkferlum, áhöldum- og hráefnisþörf á bar
varðveislu vínbirgða
Nemandi skal hafa öðlast leikni í að:
setja upp og skipuleggja bar sem vinnusvæði
nota íblöndunarefni
nota mælieiningar og hugtök
beita áhöldum og tækjum til blöndunar
lesa vínmiða mismunandi vínframleiðslulanda
taka á móti vörum
umhella vínum
afla upplýsinga um helstu lönd, þrúgur og aðferðir í víngerð borð- og styrktra vína
afla og nýta upplýsingar um hinar ýmsu gerðir bjórs, eimaðra vína, bittera og líkjöra
Nemandi skal geta hagnýtt þá almennu þekkingu og leikni sem hann hefur aflað sér til að:
afla og miðla upplýsingum um helstu lönd, þrúgur og aðferðir víngerðar ásamt að miðla upplýsingum af vínmiðum
afla og miðla upplýsingum um grunnþætti bjórgerðar og eimaðra vína
aðlaga erlendar drykkjauppskriftir að viðurkenndri mælieiningu
skipuleggja bar út frá faglegri uppröðun og vinnu- og hreinlætisferla
yfirfæra upplýsingar úr fræðibókum, uppflettiritum og fræðsluvefjum til daglegra nota