Áfanginn inniheldur ítarlega þekkingu í vínfræði, svo sem um helstu þrúgur og einkenni þeirra, plágum og pestum sem herja á vínviðinn. Farið er yfir fornar og nýjar aðferðir við víngerð svo og einkenni og sérstöðu landa, héraða, hreppa og landfræðilega legu þeirra og mismunandi jarðveg. Fjallað eru um hin ýmsu vín og það ferli sem á sér stað við gerð þeirra. Ítarleg vínsmökkun er í áfanganum greining mat og skráning. Áfanginn tekur til innkaupa, lagerhals, meðhöndlun og framreiðslu ásamt tölvunotkun við upplýsingaöflun og notkun forrita sem nýtast faginu til útreikninga og utanumhalds.
Nemandi þarf að vera á námssamningi og hafa lokið VÍNF2FR05.
Nemandi skal hafa öðlast þekkingu og skilning á:
þróunarsögu víngerðar
vín-landafræði, lönd, sýslur og hreppar
ræktun vínviðar í víngarðinum
vín-landafræði, lönd, sýslur og hreppar
helstu þrúgum og víni ásamt einkennum þeirra
helstu aðferðum og áhrifavöldum við framleiðslu á vínum og geymslu þeirra
öllum stigum víngerðar þ.m.t. á hvítvínum, rauðvínum, sætvínum og freyðivínum
vínsmökkun þ.m.t. einkenni útliti, lykt og bragð, skráð og hagnýtt sér niðurstöður
að byggja upp gagnabanka við innkaup og lagerhald
greiningu og uppsetningu vínseðla
Nemandi skal hafa öðlast leikni í að:
lesa miða vínflaskna og gera grein fyrir þrúgum, sérstöðu landa, héraða og hreppa
umhella vínum og beita þeim aðferðum sem þörf er hverju sinni
framkvæma vínsmökkun
Nemandi skal geta hagnýtt þá almennu þekkingu og leikni sem hann hefur aflað sér til að:
byggja upp sérhæfða vínþekkingu
greina mun milli þrúga, landa, héraða og hreppa og yfirfæra upplýsingar
útfæra og miðla upplýsingum
hafa umsjón með vínlager
gera pantanir samkvæmt þeim stöðlum og viðmiðum sem notuð eru á hverjum stað
raða upp vínseðli með helstu lýsingum og upplýsingum
vera ráðgefandi við val á vínum með samspil og hagkvæmi að leiðarljósi