Lögð er áhersla á að nemendur geti unnið sjálfstætt að viðgerð, samsetningu og uppsetningu rafeindabúnaðar og geri sér grein fyrir hvort bilun tengist hugbúnaði eða vélbúnaði. Nemendur sýni leikni í starfi og hæfni í beitingu mælitækja og verkfæra. Nemendur læri sjálfstæð vinnubrögð, skilji mikilvægi góðrar framkomu og geti aðstoðað, unnið með og ráðlagt viðskiptavinum.
STÞJ2RE20BR
Nemandi skal hafa öðlast þekkingu og skilning á:
flóknari rásateikningum.
hlutverkum og virkni helstu íhluta.
notkun mælitækja við bilanaleit.
tengingu rafeindabúnaðar við stjórn eða jaðarbúnað í lofti eða á kapli.
virkni þeirra tækja sem hann vinnur við.
Nemandi skal hafa öðlast leikni í að:
vinna sjálfstætt og í hópvinnu við bilanagreiningu og lagfæringar.
finna bilanir í rafeindabúnaði og gera við á faglegan og ábyrgan hátt.
meta þörf á hýsingu rafeindabúnaðar gagnvart ytri aðstæðum.
Nemandi skal geta hagnýtt þá almennu þekkingu og leikni sem hann hefur aflað sér til að:
beita rökhugsun við bilanagreiningu.
vinna sjálfstætt á vinnustað og forgangsraða verkþáttum.
leiðbeina viðskiptavinum um val og staðsetningu rafbúnaðar.
veita viðskiptavinum hámarksþjónustu.
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.