Í þessum áfanga er áhersla lögð á þroskasögu unglinga og ungmenna og unnið með hana út frá tilfinningum, félags- og líffræðilegum þroska. Hér er m.a. hugað að kynfræðslu, kynheilbrigði, nánum samböndum, vaxtarmiðuðu hugarfari og mikilvægi virðingar í samskiptum. Jafnframt verður unnið með kynferðislega, andlega og fjárhagslega misnotkun. Áhersla verður lögð á að efla sjálfsvirðingu nemenda og ábyrga ákvarðanatöku.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
félags- og líffræðilegum þroska ungmenna
mikilvægi virðingar í samskiptum
kynheilbrigði
réttindum og skyldum í nánum samböndum
einkennum óheilbrigðra sambanda
Nemandi skal hafa öðlast leikni í að:
sýna virðingu í samskipum
skilja þroskaferli ungmenna
tileinka sér vaxtarmiðað hugarfar
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á þroskaferli ungmenna
geta verið í heilbrigðu nánu sambandi
stunda heilbrigt kynlíf
Námsmat: Leiðsagnarmat. Áhersla á umsagnir sem leiða nemandann áfram.