Í áfanganum verður fjallað er um hvernig ferðalög geta verið góður vettvangur til sjálfsskoðunar og til að auka víðsýni. Jafnframt er kynntur sá möguleiki að fara í nám eða störf erlendis. Nemendur skoða leiðir til að skipuleggja styttri og lengri ferðir innanlands sem erlendis og viðeigandi útbúnað. Leitast er við að efla sjálfstraust nemenda til að takast á við óvæntar aðstæður sem geta komið upp á ferðalögum.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
gagnsemi ferðalaga til að auka víðsýni
heiminum í kringum okkur og möguleikum til ferðalaga
möguleikum á námi og störfum erlendis
Nemandi skal hafa öðlast leikni í að:
skipuleggja ferðalag
velja réttan útbúnað fyrir mismunandi aðstæður
leita sér áreiðanlegra ferðaupplýsinga
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja ferð, innanlands eða erlendis
stunda örugga útivist
njóta þess sem heimurinn hefur upp á að bjóða, sér til ánægju og yndisauka
Námsmat: Leiðsagnarmat. Áhersla á umsagnir sem leiða nemandann áfram.