Lögð er áhersla á innlenda vöru, mikilvægi og sérstöðu íslensks hráefnis. Fjallað er um meðferð á ferskvatnsfiski, skelfiski og lin- og krabbadýrum. Nemendur læra um sláturafurðir, uppbyggingu vöðva og nýtingu, meyrnun, hlutun og hagnýtingu. Fjallað er um heilbrigðismat og gæðaflokkun kjöts og alifugla ásamt meðferð á villibráð. Nemendi lærir um kryddjurtir og grænmeti, kornmeti og algengar tegundir ávaxta, flokkun þeirra, einkenni og notkun. Nemandi fræðist um erlendar sælkeravörur í víðasta skilningi. Fjallað er um gæði, notkun, innflutning og reglur sem um það gilda.
Námssamningur í matreiðslu.
Nemandi skal hafa öðlast þekkingu og skilning á:
mikilvægi og sérstöðu íslensks hráefnis
heilbrigðismati og gæðaflokkun á sláturafurðum
meðferð og meðhöndlun á sjávarfangi
mismunandi erlendum salt- og ferskvatnsfiskum
einkennum og notkun á kryddjurtum, grænmeti og ávöxtum
íslenskri og erlendri villibráð
reglum um móttökueftirlit
reglum sem eiga við um gæða- og heilbrigðismat
nýtingu á sælakeravörum
öllum helstu grunnhráefnaflokkum
Nemandi skal hafa öðlast leikni í að:
meðhöndla ólík hráefni
greina virkni og tilgang grunnhráefna
hluta og hagnýta sláturdýr
Nemandi skal geta hagnýtt þá almennu þekkingu og leikni sem hann hefur aflað sér til að:
nýta fjölbreyttara grunnhráefni með hagkvæmum hætti
draga ályktanir um fjölbreyttari úrlausnir verkefna
skapa jákvætt viðhorf og virðingu fyrir Íslensku hráefni