Í áfanganum er lögð áhersla á sjálfstæð vinnubrögð nemanda. Hann vinnur verkefni er lúta að framsetningu og hönnun rétta sem byggir á íslenskri og alþjóðlegri matarmenningu. Nemandi vinnur jafnframt með nýjar útfærslur við úrvinnslu hráefnis og leitar eftir nýrri nálgun á hefðbundnum aðferðum. Unnið er með matseðla fyrir mismunandi markhópa, með gæði og framlegð að leiðarljósi. Nemandi geti unnið heildstætt að verkefnum í matreiðslu eftir viðurkenndum matreiðsluaðferðum. Verkefni eru lögð fyrir í FFMF4IB05
VMAT2IB12, námssamningur í matreiðslu.
Nemandi skal hafa öðlast þekkingu og skilning á:
almennum og sérhæfðum aðferðum við úrlausn verkefna
íslenskri og alþjóðlegri matarmenningu
afgreiðslu mismunandi veitinga
hráefnisnýtingu og hagsýni í innkaupum
Nemandi skal hafa öðlast leikni í að:
útbúa matseðla og matreiða fyrir mismunandi markhópa.
vinna með öðrum að úrlausnum verkefna
þróa nýjar nálganir á framsetningu rétta sem byggja á nútíma viðmiðum
taka sjálfstæðar ákvarðanir við ólíkar aðstæður
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér nýjungar og nýjar útfærslur við úrvinnslu hráefnis
skipuleggja verkferla og verkefnalista og vinna eftir þeim í matreiðslu
meta gæðakröfur mismundi hráefna
meta kröfur til hreinlætis á vinnustað
fyrirbyggja krossmengun
þróa eigin hugmyndir í matargerð
beita faglegu innsæi og kunnáttu til að meta fyrirfram niðurstöður verkefna.
velja hráefni með hliðsjón af umhverfissjónarmiðum og verðmætasköpun.
sýna fram á faglega víðsýni, sköpunarmátt, frumkvæði.