Í áfanganum verður farið yfir grunndvallaratriði í líffæra- og lífeðlisfræði. Valin atriði úr námsefninu verða tekin fyrir í vikulegum verkefnum til dýpri skilnings, þekkingar og þjálfunar á notkun hugtaka og framsetningu lífeðlisfræðilegra þátta. Þau atriði eru meðal annars jafnvægishneigð, svæðaskipting, áttir, líkamshol, bygging frumunnar, frumulíffærin, flutningur efna yfir himnur, frumuskiptingar, vefir og líffæri. Einnig verður farið yfir eftirfarandi líkamskerfi: Þekjukerfið (lagskipting húðar og líffæri húðar), beinakerfið (beinmyndun, flokkum beina og beingrindina), vöðvakerfið (hlutverk, byggingu, vöðvasamdrátt, helstu vöðvar og hlutverk þeirra), taugakerfið (taugafrumur, taugaboð, taugaboðefni, taugaflækjur, sympatíska- og parasympatískakerfið, miðtauga- og úttaugakerfið), skynfærakerfið (skynfærin og hlutverk þeirra) og innkirtlakerfið (bygging og starfsemi kirtla og vaka).
Nemandi skal hafa öðlast þekkingu og skilning á:
enskum og latneskum heitum á helstu byggingareiningum sem fjallað er um í námsefninu
starfsemi og byggingu flokka lífrænna efna
grunnbyggingu og -starfsemi mannslíkamans
starfsemi fruma og mismunandi vefjagerða
helstu líffærum og líffærakerfum og samspili þeirra í að viðhalda stöðugleika í líkamanum
byggingu og starfsemi þekju-, beina-, vöðva-, tauga-, skynfæra- og innkirtlakerfis
Nemandi skal hafa öðlast leikni í að:
nota latnesk fræðiheiti við að lýsa afstöðu líffæra og líffærahluta
skilja ensk fræðiheiti sem fjallar um námsefnið
greina mismunandi flokka lífrænna efna út frá einkennandi byggingu sameindanna
útskýra byggingu og starfsemi þekju-, beina-, vöðva-, tauga-, skynfæra- og innkirtlakerfis
Nemandi skal geta hagnýtt þá almennu þekkingu og leikni sem hann hefur aflað sér til að:
geta gert grein fyrir mun á byggingu og eiginleikum flokka lífrænna efna
geta gert grein fyrir samspili líffærakerfanna
geta sýnt fram á hvernig lífshættir geta haft áhrif á heilbrigði líkamans
þekkja megin frákvik í starfsemi líffærakerfa líkamans
geta aflað sér nýjustu upplýsinga um rannsóknir í líffæra- og lífeðlisfræði í ritrýndum heimildum
geta tekið þátt í umræðu á viðfangsefni áfangans á uppbyggilegan máta
Áfanginn byggir á fjölda fjölbreyttra verkefna sem unnin eru í leiðsagnarnámi, tímaverkefni (ýmis styttri verkefni), verklegar æfingar og hlutapróf. Lögð er sérstök áhersla á sköpun í aðal hópverkefni áfangans.