Í áfanganum verður farið yfir helstu grundvallaratriði í líffæra- og lífeðlisfræði. Megin viðfangsefnin eru eftirfarandi líffærakerfi: Hringrásarkerfi (samsetning blóðs, bygging og starfsemi hjarta og hringrásir blóðs og vessa), öndunarkerfi (bygging og hlutverk öndunarfæra, stjórn öndunar og loftskipti í lungum og vefjum), meltingarkerfi (bygging, eiginleikar og melting), þvagfærakerfi (bygging og hlutverk, feril þvagmyndunar og stilling þvagmagns) og æxlunarkerfi (bygging og hlutverk æxlunarfæra og þroskaferill einstaklings frá getnaði til fæðingar).
LÍOL2SS05
Nemandi skal hafa öðlast þekkingu og skilning á:
starfsemi vefja og líffæra í hringrásar-, vessa-, meltingar-, öndunar-, þvagfæra- og æxlunarkerfi
einkennum blóðs og hlutverki þess í líkamanum
eðli hjartsláttar og þeirra þátta sem ákvarða og stjórna blóðþrýstingi
mismunandi þáttum ónæmiskerfisins
mikilvægi vökva- og rafvakajafnvægis í líkamanum
Nemandi skal hafa öðlast leikni í að:
nota latnesk fræðiheiti fyrir líffæri og líffærahluta
útskýra heilbrigða byggingu og starfsemi hringrásar-, vessa-, meltingar-, öndunar-, þvagfæra- og æxlunarkerfis
geta greint frá helstu frávikum frá eðlilegri starfsemi líffærakerfa
beita réttum vinnureglum við krufningu líffæra og samantekt þekkingar í mismunandi verklegum æfingum eða með sýndarþjálfun þar sem notast er við rafrænar upplýsingar til að ná fram sambærilegri leikni
nýta upplýsingatækni og viðurkenndar heimildum við öflun nýjustu upplýsinga um námsefnið
nota heimildaskráningu í verkefnavinnu samkvæmt APA kerfinu
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja eigin líkama og gera sér grein fyrir mikilvægi góðrar heilsu
taka ábyrgð á eigin lífsháttum og heilsu
þekkja megin frákvik í starfsemi líffærakerfa líkamans
takast á við frekara nám í náttúru- og/eða heilbrigðisgreinum
Áfanginn byggir á fjölda fjölbreyttra verkefna sem unnin eru í leiðsagnarnámi, tímaverkefni (ýmis styttri verkefni), verklegar æfingar og hlutapróf. Lögð er sérstök áhersla á sköpun í aðal hópverkefni áfangans.