Í áfanganum er lögð áhersla á að nemendur þjálfist í vinnubrögðum sem tengjast heimildavinnu. Nemendur vinna heimildaverkefni sem tengist áhugasviði og námi þeirra í skólanum.
Ritun: Vinna fjölbreytt og krefjandi ritunarverkefni.
Lestur: Lesa margs konar greinar og bækur sem nýtast við heimildavinnuna ásamt ýmsum sýnidæmum.
Málnotkun: Tileinka sér málfar sem hæfir efninu.
Framsögn: Taka þátt í umræðum í tímum, kynna og verja lokaverkefni.
Tveir skylduáfangar á 2.þrepi (10 einingar).
Nemandi skal hafa öðlast þekkingu og skilning á:
helstu hugtökum sem tengjast heimildavinnu, s.s. beinni og óbeinni tilvitnun, tilvísun og heimildaskrá
muninum á talmáli og ritmáli
hvaða málsnið hæfir mismunandi efni og aðstæðum
a.m.k. einum viðurkenndum skráningarstaðli
Nemandi skal hafa öðlast leikni í að:
beita gagnrýninni hugsun við úrvinnslu heimilda
velja stílbrögð sem hæfa efninu
velja og nýta á gagnrýninn hátt þær upplýsingar sem skipta máli í heimildaritun
vega og meta áreiðanleika heimilda
flytja af öryggi og sannfæringarkrafti eigið efni
meta mismunandi sjónarmið og taka sjálfstæða, rökstudda afstöðu
draga sjálfstæðar ályktanir
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran, vel uppbyggðan og grípandi texta
velja viðeigandi ritstíl eftir viðtakendum og aðstæðum
tjá rökstudda afstöðu, útskýra sjónarmið og taka virkan þátt í málefnalegum umræðum
draga saman aðalatriði úr heimildum þannig að rétt sé með farið í hvívetna
beita gagnrýninni hugsun við lestur, túlkun og úrvinnslu krefjandi texta