Í áfanganum er lögð áhersla á að nemendur kynnist kvennabókmenntum frá öndverðu til dagsins í dag. Lesnar eru skáldsögur, smásögur og ljóð. Unnið er með fjölbreytt verkefni í ræðu og riti.
Tveir skylduáfangar á 2. þrepi (10 einingar).
Nemandi skal hafa öðlast þekkingu og skilning á:
inntaki og einkennum þeirra verka sem lesin eru
ritgerðarsmíð og heimildavinnu
helstu bókmenntahugtökum sem tengjast kvennabókmenntum
sögu kvenna í íslenskum bókmenntum
áhrifum kvenna á íslenskar bókmenntir
Nemandi skal hafa öðlast leikni í að:
skrifa ritgerðir þar sem beitt er gagnrýninni hugsun við úrvinnslu
koma efni á framfæri á skýran og vandaðan hátt á blæbrigðaríku máli
ganga frá texta til birtingar
nýta sér uppbyggilega gagnrýni annarra
skilja og nota viðeigandi stílbrögð og menningarlegar vísanir í tal- og ritmáli
nýta eigin sköpunargáfu
sýna sjálfstæði í vinnubrögðum
skilgreina lykilhugtök
greina mismunandi sjónarmið
Nemandi skal geta hagnýtt þá almennu þekkingu og leikni sem hann hefur aflað sér til að:
túlka og bera saman bókmenntaverk og setja þau í sögulegt samhengi
skrifa skýran og vel uppbyggðan texta
velja ritstíl eftir aðstæðum og viðtakendum
leggja mat á og efla eigin málfærni
tjá rökstudda afstöðu og geta tekið virkan þátt í umræðum
átta sig á samfélagslegum skírskotunum
Fjölbreytt námsmat sem byggir á prófum og verkefnum.