Í áfanganum er unnið með tungumálið á fjölbreyttan hátt og áhersla lögð á skapandi og hagnýt skrif, málfar og aukinn orðaforða. Nemendur kynna sér margs konar málsnið og fjölbreytta nytjatexta. Ýmis verkefni eru unnin, munnleg og skrifleg.
Lágmark B á grunnskólaprófi eða hafa lokið 1. þrepi.
Nemandi skal hafa öðlast þekkingu og skilning á:
málfræðihugtökum og hugtökum sem nýtast í tal- og ritmáli
orðaforða sem nægir til að skilja íslenskt nútímamál í ræðu og riti
uppbyggingu ritunar
mismunandi tegundum fræði- og nytjatexta
Nemandi skal hafa öðlast leikni í að:
beita gagnrýninni hugsun og koma skoðun sinni á framfæri á skýran og greinargóðan hátt
nýta hjálpargögn á markvissan hátt við frágang ritsmíða
nýta málfræðihugtök og málfræðilegar upplýsingar til að efla eigin málfærni
flytja mál sitt af nokkru öryggi
lesa sér til gagns og gamans bókmenntaverk jafnt sem nytjatexta og fjalla um inntak þeirra
geta fært rök fyrir máli sínu í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að skapandi verkefnum í sambandi við námsefnið
styrkja eigin málfærni
beita skýru, lýtalausu máli í ræðu og riti
taka þátt í málefnalegum umræðum
tjá afstöðu og efasemdir um efnið sem unnið er með og komast að niðurstöðu
hafa vald á áhrifaríkri málnotkun, svo sem með stílbrögðum
hafa á valdi sínu fjölbreytt málsnið
hafa vald á ólíkum gerðum ritsmíða
Fjölbreytt námsmat þar sem byggt er á prófum og verkefnum bæði munnlegum og skriflegum.