Nemendur kynnast menningu og menningarheimi Þjóðveldisaldar með lestri bókmennta og ýmis konar verkefnavinnu, verklegri, munnlegri og skriflegri. Farið er fram á sjálfstæð og vönduð vinnubrögð.
Bókmenntir/ritun: Nemendur lesa nokkur lykilverk bókmennta fyrri og seinni tíma.
Málnotkun: Nemendur temja sér gott og fjölbreytt mál/málfar og efla eigin málfærni.
Framsögn: Nemendur taka virkan þátt í umræðum og þjálfa rökstuðning.
Lágmark B á grunnskólaprófi eða hafa lokið 1.þrepi.
Nemandi skal hafa öðlast þekkingu og skilning á:
- bókmenntum í lausu og bundnu máli - átta sig á menningararfinum og áhrifum hans - hvernig þessi arfur skilar sér inn í menningu og listir í nútímanum - orðaforða sem nægir til að geta lesið helstu lykilverk bókmennta - grunnhugtök í bókmenntfræði
Nemandi skal hafa öðlast leikni í að:
- lesa bókmenntaverk sér til gagns og gamans og fjalla um inntak þeirra - beita gagnrýninni hugsun við vinnslu verkefna þar sem skoðanir hans koma fram - nota á markvissan hátt viðeigandi hjálpargögn við frágang ritsmíða - draga saman og nýta upplýsingar úr ýmiss konar heimildum og tengja við eigin skoðanir - flytja af nokkru öryggi mál sitt frammi fyrir hópi fólks
Nemandi skal geta hagnýtt þá almennu þekkingu og leikni sem hann hefur aflað sér til að:
- vinna skapandi verkefni í tengslum við námsefnið - greina þær breytingar í máli sem orðið hafa frá ýmsum textum sem til eru frá víkingatímanum til nútímamáls - beita skýru og lýtalausu máli í ræðu og riti - taka þátt í málaefnalegum umræðum og byggja upp skýra röksemdafærslu - tjá afstöðu og efasemdir um efni og komast að niðurstöðu - túlka bókmenntatexta og kafa undir yfirborð hans
Fjölbreytt námsmat sem byggir á prófum og verkefnum bæði munnlegum og skriflegum.