Í áfanganum er fjallað um undirstöðuatriði brauð- og kökugerðar, baksturs og skreytinga. Sérstök áhersla er lögð á grundvallaratriði í vinnslu allra deigtegunda. Nemendur læra að vinna eftir uppskriftum af faglegri nákvæmni. Áhersla er lögð á persónulegt hreinlæti, nákvæmni í vinnu. Ströngustu hreinlætiskröfum fylgt við vinnu í áfanganum.
Áfanginn er kenndur samhliða BAKA-TF,BAKA- FF og BAKA-HF.
Námssamningur í bakstri
Nemandi skal hafa öðlast þekkingu og skilning á:
aðgreina helstu brauð- og kökutegundir eftir uppskrift.
kunna skil á algengustu áhöldum, vélum og tækjum sem notuð eru í við bakstur, og hættur sem kunna að stafa af þeim.
þekkja HACCP-kerfi.
leita að uppskriftum á rafrænu formi.
kunna skil á mikilvægi öryggis við umgengni á vélum og tækjum.
Nemandi skal hafa öðlast leikni í að:
búa til gerdeig og bakað úr því algengar brauðategundir.
búa til algengustu tegundir úr rúlluðu deigi.
búa til algengar þeyttar og hrærðar kökur.
vinna rafrænt með uppskriftir og almenna fagtengda upplýsingaöflun.
fylla út gátlista eftir þrif, sem byggður er á viðurkenndu hreinlætiskerfi.
Nemandi skal geta hagnýtt þá almennu þekkingu og leikni sem hann hefur aflað sér til að:
framleiða helstu brauða og kökutegundir.
vinna sjálfstætt að almennum og sérhæfðum verkefnum tengdum bakstri.