Í framreiðslu er farið í þjálfun á grunnþáttum framreiðslustarfsins svo sem móttöku og samskipti við gesti. Borðauppröðum, þekkingu á öllum helstu hnífapörum, munnþurrkubrotum og dúkastærðum. Grunnþáttum borðlagningar og sölumennsku fyrir grunnmatseðla, samkvæmt fagvenjum og framreiðsluaðferðum. Nemendum kennd umgegni við mismunandi búnað tengt framreiðslustarfinu og frágang á honum að notkun lokinni. Nemendur kynnast fyrirskurði-og eldsteikingingu, vinnu í vínstúku áhaldaþekkingu og aðferðafræði starfs framreiðslumanna.
Í matreiðslu er farið yfir allar steikingar og suðu aðferðir. Farið er yfir notkun og umgengni á öllum helstu tækjum í eldhúsi. Nemandi býr til soð og fer yfir þá verkferla sem snúa að soðgerð ásamt kynningu grunnsósum. Í áfanganum er farið í gegnum innra eftirlit HACCP og hvernig tekið er á móti vörum og nemendum gerð grein nýtingu og rýrnun . Nemandanum er fylgt eftir í persónulegu hreinlæti og klæðarburði sem hentar hverju sinni. Einnig er lögð áhersla á frágang matvæla og matvælaöryggi. Í áfanganum er farið í grunnn aðferðafræði í eftirréttagerð. Farið er yfir beitingu hnífa og helstu skurði á grænmeti.
Nemendum gerð grein fyrir siðareglum í matvælagreinum.
Að hafa lokið grunnskólaprófi
Nemandi skal hafa öðlast þekkingu og skilning á:
starfi framreiðslu- og matreiðslumanna og því umhverfi sem störfin fara fram í persónulegu hreinlæti og gildi þess í matvælagreinum
hvað felst í störfum framreiðslu- og matreiðslumanna og möguleikum sem þau bjóða upp á til frekara starfs
áhöldum og tækjum sem notuð eru í ferða- og matvælagreinunum og notkunarmöguleika þeirra
góðum siðum er varða umgengni við gesti og samstarfsfólk
grunnþáttum í framreiðslu mismunandi rétta á veitingastað
grunnþáttum í eldun einfaldra rétta í samræmi við verklagsreglur
notkun uppskrifta og uppskriftabóka í matreiðslu
réttindum og skyldum starfsmanna
innkaupum matvara og annarra aðfanga
Nemandi skal hafa öðlast leikni í að:
leggja lín á borð og brjóta munnþurrkur
annast grunnborðlagningu
elda og framreiða einfalda hádegisverðarrétti
vinna einföld verkefni í framreiðslu og matreiðslu
umgangast tæki sem notuð eru í veitingasal, eldhúsum veitingastaða og kunna rétta notkun þeirra
notkun á mismunandi hnífum við störf í matreiðslu
skera grænmeti fyrir mismunandi rétti
grunnverkun á fiski, beinhreinsun og roðflettingu
matreiða súpur og sósur frá grunni
raða mat á matarfat og diska eftir réttum faglegum hefðum
binda upp kjöt fyrir steikingu
umgangast gesti og samstarfólk við störf í matvælagreinum
að leita hagstæðra innkaupa á matvörum
að þekkja réttindi og skyldur starfsmanna á vinnustað
Nemandi skal geta hagnýtt þá almennu þekkingu og leikni sem hann hefur aflað sér til að:
afla sér frekari þekkingar í ferða- og matvælagreinum
geta unnið einföld grunnstörf í framreiðslu og matreiðslu
hafa skilning á því til hvers er ætlast í störfum framreiðslu- og matreiðslufólks
vinna með helstu áhöld og tæki sem notuð eru við störf í framreiðslu og matreiðslu
að hafa þekkingu á magntöku hráefnis og hagkvæmni í innkaupum
gæta að eigin hreinlæti og því hreinlæti sem kröfur eru gerðar um í matvælagreinum, (HACCP)
þekkja hlutverk fyrirtækja gagnvart starfsmönnum m.t.t. kjaramála