Fjallað verður um líkamsstarfsemi dýra. Nemandi kynnist hvernig frumur, vefir og líffæri starfa saman og hvernig starfsemi helstu líffæra og líffærakerfa í dýrum er háttað. Áhersla verður lögð á hryggdýr og líffærakerfi þeirra og þá sérstaklega spendýr og heilbrigða líkamsstarfsemi hjá þeim.
LÍFF2EL05
Nemandi skal hafa öðlast þekkingu og skilning á:
- sameiginlegum einkennum lífvera í dýraríkinu og einkenni helstu dýrafylkinga - eðli taugaboða og starfsemi taugakerfis, eðli hormóna og starfsemi innkirtlakerfis, samhæfingu og stjórnun líffærakerfa - hvernig hjarta- og æðakerfi starfa og mismunandi hlutverkum blóðs - varnarkerfi mannslíkamans og hvernig úrgangslosunar- og öndunarkerfi starfa - uppbyggingu og virkni meltingarkerfis - mismunandi skynfærum, ásamt æxlunarkerfi og fósturþroska
Nemandi skal hafa öðlast leikni í að:
- beita grunnhugtökum lífeðlisfræðinnar á skilmerkilegan hátt og í rökrænu samhengi - lesa lífeðlisfræðilegar upplýsingar í máli og myndum - meta áhrif lífshátta á heilbrigða þroskun og starfsemi líkamans - beita einföldum lífeðlisfræðilegum rannsóknaraðferðum og einföldum líffræðilegum aðferðum í verklegum æfingum og vinna skýrslur úr þeim - afla sér áreiðanlegra heimilda frá ýmsum mismunandi miðlum
Nemandi skal geta hagnýtt þá almennu þekkingu og leikni sem hann hefur aflað sér til að:
- leggja mat á einfaldar lífeðlisfræðilegar upplýsingar daglegs lífs á gagnrýninn hátt - tjá sig um lífeðlisfræðileg málefni daglegs lífs á skýran og ábyrgan hátt - taka ábyrgð á eigin lífi m.t.t. lífeðlisfræðilegra þátta - taka þátt í einföldum lífeðlisfræðilegum athugunum, tengja niðurstöðurnar við fræðin og draga ályktanir af þeim
Námsmat er útfært í kennsluáætlun í samræmi við skólanámskrá.