Í áfanganum er lögð áhersla á tjáningu, lestur texta, ritun og undirstöðuatriði enskrar málfræði með það fyrir augum að byggja upp virkan og hagnýtan orðaforða. Lesnir verða valdir rauntextar af netinu og úr kennslubók, auk þess sem nemendur lesa valin skáldverk. Skriflegi þátturinn er þjálfaður með fjölbreyttum æfingum.
Einkunn B á grunnskólaprófi
Nemandi skal hafa öðlast þekkingu og skilning á:
enskri menningu og enskri tungu
menningu í öðrum enskumælandi samfélögum
almennum málfræðireglum
sérkennum ritmáls og talmáls
Nemandi skal hafa öðlast leikni í að:
beita almennum málfræðireglum í rituðu máli
nota orðabók og viðeigandi hjálpargögn
tjá kunnáttu sína munnlega og skriflega
lesa og greina bókmenntatexta
beita almennum stafsetningarreglum í rituðu máli
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig í ræðu og riti á ensku
verða sjálfbjarga í upplýsingaöflun á ensku
geti aflað sér upplýsinga um ensk málsamfélög
lesa sér til gagns og gamans
Leiðsagnarmat þar sem vinna nemenda er metin jafnóðum allan námstímann. Til grundvallar matsins eru fjölbreytt verkefni úr ólíkum efnisþáttum; stutt próf, viðtöl, lesskilningur, ritun, hlustun og talþjálfun.