Í þessum áfanga er fjallað rafvélar þ.e. rafala, mótora og spenna bæði jafnstraums-, einfasa- og þriggjafasa riðstraums. Gerðar eru tengimyndir af spennum og afriðlum og mælingar á þeim við mismunandi álag Tengdar eru ýmsar rafvélar og gerðar prófanir og mælingar á þeim til skýrslugerðar. Kynntir eru staðlar er varða byggingu, málsetningar, aflstærðir, auðkenni tengipunkta, merkiskilti (málgildi), verndarstig, varnarflokk o.fl. fyrir rafhreyfla. Þá er lögð áhersla á að nemendur æfist í að nota mælitæki og verkfæri rafiðnaðarmanna, greina bilanir og gera við rafvélar og raftæki og venjist við að taka tillit til öryggissjónarmiða við viðgerðir á þeim. Farið er í ræsingar og hraðastýringar rafhreyfla. Tengdir eru mjúkræsar og tíðnibreytar.
Nemandi skal hafa öðlast þekkingu og skilning á:
virkni ýmissa rafala og mótora
virkni mjúkræsa og tíðnibreyta
tengingum og mælingum á þessum búnaði
öryggisatriðum varðandi rafvélar.
mæliaðferðum og mælibúnaði sem notaður er.
Nemandi skal hafa öðlast leikni í að:
tengja ýmisskonar rafvélar við mismunandi ræsibúnað og neysluveitur
tengja þriggjafasa rafmótora við hraðastýringar og mjúkræsa
framkvæma mælingar á þessum búnaði
Nemandi skal geta hagnýtt þá almennu þekkingu og leikni sem hann hefur aflað sér til að:
leiðbeina um val á ýmsum rafvélum í mismunandi neysluveitum og annast uppsetningu þeirra
skrifa skýrslur um mismunandi einfasa rafvélar
gera helstu mælingar í kraft- og stýrirás mótora
greina bilanir í rafmótorum og stýringum
skipta um algengar legur og kol
Námsmat er útfært í námsáætlun í samræmi við skólanámskrá.