Í áfanganum fer fram kynning á náttúruvísindum. Lögð verður áhersla á að nemendur læri að þekkja og skilja náttúruna og þau öfl sem að móta hana. Sérkenni íslenskrar náttúru, lífríki, jarðfræði og veðurfar verða tekin fyrir. Nemendur læra og þjálfast í veglengdum og mismunandi þyngdum. Lögð verður áhersla á að nemendur kynnist þessum atriðum með vettvangsferðum og verklegri kennslu. Nemendur læra einnig að afla sér upplýsinga á netinu og halda kynningar um námsefnið.
Nemandi skal hafa öðlast þekkingu og skilning á:
Algengustu fuglategundum á Íslandi og hvernig má þekkja þær.
Lífríki sjávar og helstu nytjategundum.
Hvar eldvirkni er á Íslandi og mögulegar afleiðingar eldgosa.
Hvar jarðskjálftar verða á Íslandi og mögulegar afleiðingar jarðskjálfta.
Metrakerfinu og skilji samhengið milli, mm, cm, m og km.
Þyngd hluta og skilji samhengið á milli mg, gr og kg.
Nemandi skal hafa öðlast leikni í að:
Átta sig á tengslum manna og umhverfis.
Taka þátt í umræðum um íslenska náttúru og helstu einkennum hennar.
Umgangast náttúruna af gát og virðingu
Nemandi skal geta hagnýtt þá almennu þekkingu og leikni sem hann hefur aflað sér til að:
Gera sér grein fyrir því að maðurinn er hluti af náttúrunni og lífsafkoma hans byggist á samspilinu við hana.
Þekkja náttúrulegt umhverfi sitt og rati um það.
Taka þátt í gagnrýnni umfjöllun um málefni er snerta náttúru og umhverfi mannsins.