Í þessum áfanga er fjallað um bókmenntir, málsögu og norræna goðafræði. Í málsögunni er meðal annars fjallað um þróun ritkerfa, helstu breytingar sem orðið hafa á íslenskri tungu og hver staða hennar er í dag. Nemendur eru þjálfaðir í notkun bókmenntahugtaka. Þeir vinna með eina nútímaskáldsögu auk þess sem þeir lesa eina valbók. Fjallað er ítarlega um norræna goðafræði með lestri Snorra-Eddu auk eddukvæða.
ÍSLE2MB05
Nemandi skal hafa öðlast þekkingu og skilning á:
helstu þáttum íslenskrar málsögu
mismunandi tegundum bókmennta og norrænni goðafræði
Nemandi skal hafa öðlast leikni í að:
lesa bókmenntaverk frá ýmsum tímum og fjalla um inntak þeirra
vinna að skapandi verkefnum í tengslum við námsefnið og sýna töluverð tilbrigði í málnotkun
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að skapandi verkefnum í tengslum við námsefnið og sýna töluverð tilbrigði í málnotkun
beita skýru, lýtalausu og blæbrigðaríku máli í ræðu og riti
taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu