Það kom upp villa senda inn  Áfangi

    Áfangi Nánari upplýsingar


    Búið til: 1529503303.36

    Stærðfræðigreining
    STÆR4CA05
    None
    stærðfræði
    Stærðfræðigreining
    for inspection
    4
    5
    MA
    Meginefni áfangans er stærðfræðigreining. Helstu efnisþættir eru markgildi og regla l‘Hôpital, óendanlegar raðir, samleitnipróf og Taylor-raðir, föll af mörgum breytum, hlutafleiður, stiglar, stefnuafleiður, snertiplön, staðbundin útgildi, söðulpunktar og Lagrange-margfaldarar. Að auki velur kennari úr nokkrum efnisþáttum eftir því sem við á, þar má nefna m.a. helstu eiginleika ákveðna heildisins, vigurföll af raunbreytu í tveimur og þremur víddum, fylkjareikning og margföld heildi. Aðaláhersla áfangans er á dæmareikning og röksemdafærslu stærðfræðinnar, m.a. með sönnunum á reglum í námsefninu. Einnig verður lögð talsverð áhersla á skipulagða og rétta stærðfræðilega framsetningu námsefnisins.
    STÆR3TX05
    Nemandi skal hafa öðlast þekkingu og skilning á:
    • markgildum og reglu l‘Hôpital
    • óendanlegum röðum, samleitni raða og samleitniprófum
    • Taylor-röðum
    • föllum af mörgum breytum
    • hlutafleiðum, stiglum, stefnuafleiðum og snertiplönum
    • Lagrange-margföldurum
    • öðrum efnisþáttum stærðfræðigreiningar sem kennari velur að auki
    • táknmáli og reglum um stærðfræðilega framsetningu námsefnisins
    • skilgreiningum hugtaka og sönnunum reglna í námsefninu
    Nemandi skal hafa öðlast leikni í að:
    • finna markgildi fall og nota reglu l‘Hôpital
    • nota m.a. markgildissamanburðarpróf, kvótapróf, rótarpróf til að finna hvort raðir eru samleitnar
    • sjá út hvaða samleitnipróf sé best að nota á viðkomandi röð
    • finna Taylor margliðu og Taylor röð falla
    • finna hlutafleiður, stigla, stefnuafleiður og snertiplön
    • finna staðbundin útgildi og söðulpunkta
    • nota Lagrange-margfaldara til að finna útgildi falls háð skilyrði
    • vinna með og nota þá efnisþætti stærðfræðigreiningar sem kennari velur að auki
    • setja námsefnið fram skv. meginreglum stærðfræðilegrar framsetningar
    • skilja og rita skilgreiningar hugtaka og sannanir reglna
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skrá lausnir sínar skipulega og útskýra þær skilmerkilega fyrir öðrum á viðeigandi hátt
    • átta sig á tengslum ólíkra aðferða við framsetningu stærðfræðilegra hugmynda og viðfangsefna og geti valið aðferð sem við á hverju sinni
    • skilja merkingu og tengsl hugtaka í námsefninu og vinna með þau
    • beita gagnrýninni hugsun og sýna áræði, frumkvæði og innsæi við lausnir
    • beita skipulögðum aðferðum við lausn yrtra verkefna og þrauta
    • geta klætt verkefni, sett fram í mæltu og/eða skrifuðu máli, í stærðfræðilegan búning, leyst þau og túlkað lausnina í samhengi við upphaflegt verkefni
    • átta sig á og gera greinarmun á nauðsynlegum og nægjanlegum skilyrðum fyrir lausnum verkefna
    • geta fylgt og skilið viðamikla röksemdafærslu í mæltu máli og í texta
    • geta rakið sannanir í námsefninu og greint hvenær röksemdafærsla getur talist fullnægjandi sönnun
    • geta byggt upp eigin sannanir
    Námsmat er tilgreint í kennsluáætlun og samræmist skólanámskrá.