Viðfangsefni áfangans eru mengi, rauntalnakerfið, rétthyrnt hnitakerfi, jafna línu, jafna fleygboga og lausnir annars stigs jafna. Einnig er fjallað um einshyrnda þríhyrninga, horn og hornaföll. Í áfanganum er lagður grunnur að skipulögðum vinnubrögðum, röksemdafærslu og nákvæmni í framsetningu við lausn verkefna í stærðfræði.
Nemendur hafa lokið grunnskóla með einkunnina B eða hærri
Nemandi skal hafa öðlast þekkingu og skilning á:
Helstu mengjahugtökum s.s. mengi, staki, hlutmengi, sammengi og sniðmengi sem og mengjum náttúrulegra talna, heilla talna, ræðra talna og rauntalna
Rótareikningi og veldareikningi með heilum og ræðum veldisvísum
Jöfnu beinnar línu og tengingu hennar við hnitakerfi
Jöfnu fleygboga og lausnum annars stigs jafna
Ferilhornum, miðhornum og reglum um tengsl þeirra við hringboga
Einshyrndum þríhyrningum og reglu þar um
Hornaföllum
Nemandi skal hafa öðlast leikni í að:
Vinna á nákvæman og skipulagðan hátt með tölur og táknmál stærðfræðinnar
Skrá talnamengi s.s. lausnmengi jafna og ójafna og tákna þau á talnalínu
Beita velda- og rótaregum til þess að einfalda veldastæður og rætur
Vinna í rétthyrndu hnitakerfi í sléttum fleti, s.s að reikna út fjarlægð milli punkta og fundið hnit miðpunkts striks
Finna jöfnu beinnar línu og vinna bæði skriflega og myndrænt með eiginleika hennar, s.s. hallatölu og skurðpunkta við ása hnitakerfis
Leysa annars stigs jöfnur
Teikna fleygboga og vinna bæði skriflega og myndrænt með eiginleika hans s.s. topppunkt, samhverfuás og skurðpunkta við ása hnitakerfis
Nemandi skal geta hagnýtt þá almennu þekkingu og leikni sem hann hefur aflað sér til að:
Setja margs konar verkefni upp með táknmáli stærðfræðinnar og leysa þau
Beita skipulögðum aðferðum við lausn verkefna og rökstutt aðferðir sínar
Skrá lausnir sínar skipulega og skiptast á skoðunum um þær við aðra
Átta sig á tengslum ólíkra aðferða við framsetningu
Vinna með merkingu og tengsl hugtaka í námsefninu
Beita frumkvæði, innsæi og frumleika við lausn verkefna
Námsmat er útfært í kennsluáætlun í samræmi við skólanámskrá.