Í áfanganum er fjallað um næringarfræði mannsins, næringarefni fæðunnar og samspil hennar við mannslíkamann á hinum ýmsu æviskeiðum. Sérstakar næringarþarfir, eiturefni í matvælum og matvælasjúkdóma.
Nemandi skal hafa öðlast þekkingu og skilning á:
- næringarefnum fæðunnar og samspili þeirra við mannslíkamann - mikilvægi hreyfingar fyrir heilbrigði - meltingu og mikilvægi örveruflórunnar í því samhengi - mikilvægi vatns - merkingum matvæla - áhrifum matreiðslu- og geymsluaðferða á næringargildi fæðu - næringarþörf á mismunandi æviskeiðum - næringarþörfum sérstakra hópa - eiturefnum í matvælum - fæðuofnæmi og fæðuóþoli - fæðutengdum sjúkdómum
Nemandi skal hafa öðlast leikni í að:
- lesa næringarfræðilegar upplýsingar úr máli og myndum - meta hollustu fæðu sinnar - reikna orku- og næringarefnainnihald fæðunnar - setja saman hollan matseðil fyrir mismunandi hópa - beita hugtökum næringarfræðinnar
Nemandi skal geta hagnýtt þá almennu þekkingu og leikni sem hann hefur aflað sér til að:
- auka skilning sinn á næringarfræðilegum viðfangsefnum - geta tekið rökstudda afstöðu til næringarfræðilegra álitamála - tengja undirstöðuþekkingu í næringarfræði við daglegt líf og sjá notagildi hennar - taka ábyrgð á eigin lífi með tilliti til næringarþarfa og heilbrigðis - afla sér frekari þekkingar á sviði næringarfræðinnar
Námsmat er tilgreint í kennsluáætlun og samræmist skólanámskrá.