Eitt af markmiðum áfangans er aukin sjálfsþekking nemenda sem byggir á því að bera margbreytilegar aðstæður í lífinu, sem sjá má í kvikmyndum, saman við eigin aðstæður og máta við sjálfa sig.
Sýnd verða brot úr mörgum kvikmyndum með mismunandi þemu og nokkrar kvikmyndir skoðaðar í heilu lagi.
Kvikmyndasaga á öðru þrepi eða áfangi í félagsfræði eða sálfræði á þriðja þrepi.
Nemandi skal hafa öðlast þekkingu og skilning á:
- hvernig geðræn vandamál og sjúkdómar birtast í kvikmyndum - mismunandi tilfinningum, fordómum, firringu, einmannaleika, sársauka og sorg og hvernig þau birtast í kvikmyndum - hvernig sjálfstraust, útlit, líkamleg bæklun, ofverndun, að vera barn og að vera öðruvísi birtast í kvikmyndum - hvernig sjúkdómar og fíkn, s.s. alkóhólismi, birtast í kvikmyndum - samskiptum kynjanna, tilhugalífi, ást, hjónabandi, skilnuðum og sættum út frá birtingarmynd þeirra í kvikmyndum - styrk einstaklingsins og sérhæfileikum
Nemandi skal hafa öðlast leikni í að:
- greina mismundandi persónuleika í kvikmyndum út frá persónuleika-sálarfræði - átta sig á samskiptamunnstir fólks út frá stöðu þess (hástaða – lágstaða) - skoða kvikmyndir út frá sjónarhorni sálfræðinnar - setja sig í spor þeirra sem minna mega sín, skilja þá og hafa samúð með þeim
Nemandi skal geta hagnýtt þá almennu þekkingu og leikni sem hann hefur aflað sér til að:
- eiga betri samskipti við aðra á forsendum innsæist sem hlýst af kynningu af mismunandi persónum og fjölbreytilegum mannlegum aðstæðum í kvikmyndum - rökstyðja mál sitt þegar fleiri en ein hlið er á málum
Námsmat er útfært í kennsluáætlun í samræmi við skólanámskrá