Í áfanganum verður skoðuð menningararfleifð þeirra fornþjóða í Evrópu sem hafa mótað vestræna menning. Nemendur kynnast mikilvægum áföngum í sögu þessara þjóða og menninga sem hafa mótað skilning okkar á heiminum og túlkun á þeim veruleika. Skoðuð verður menning, listir, bókmenntir og menntun bæði í fornöld sem og á miðöldum. Horft verður til lifnaðarhátta almennings og yfirstéttar á þessu tímabili. Munu nemendur tengja ýmsar hugmyndir, stef og stefnur námsefnisins við nútímann og spegla sig í gjörðum og hugmyndum fólks á öðrum tíma. Unnið verður með heimildarýni, bera saman mismunandi menningar og hefðir, beita gagnrýnni hugsun við rannsókn á mismunandi viðfangsefnum. Nemendur munu kynnast heimi ævisagna, goðsagna og fleiri gerðum bókmennta.
5 einingar á 2. þrepi
Nemandi skal hafa öðlast þekkingu og skilning á:
- helstu þáttum sem mótað hafa vestræna menningu frá tímum Grikkja og fram yfir miðaldir - orsökum þeirra og áhrifum á framvindun mála - hvernig hinir ýmsu þættir mótuðu hugsun og hugmynda heim þess tíma og jafnvel nútímans - heimildaöflun
Nemandi skal hafa öðlast leikni í að:
- að færa rök fyrir máli sínu - vinna með heimildir - að skrifa fræðilega texta - að kynna ákveðið viðfangsefni sem byggir á ítarlegri heimildaöflun - að geta lýst aðstæðum á tilteknum tíma og rakið atburðarás í stórum dráttum - að greina hvernig atburðir og samfélagsgerð hefur áhrif á þróun menningar - að skýra helstu viðburði viðfangsefnisins - að gera greinarmun á staðreynd og túlkun - að draga sjálfur ályktanir og taki afstöðu til mála - að flytja af nokkru öryggi endursagnir, kynningar og lýsingar á tilteknum málefnum - að greina hvernig hugmyndir verða til og þróast - að nota gagnrýna hugsun til að skora á viðteknar hugmyndir á öðrum tímum sem og okkar tímum
Nemandi skal geta hagnýtt þá almennu þekkingu og leikni sem hann hefur aflað sér til að:
- kynna fræðilegt efni á viðeigandi hátt - færa rök fyrir niðurstöðum - gera sér grein fyrir orsakir og afleiðingar - geta tileinkað sér hugtök, hugmyndir og orðræðu umrædds tímabils - geta lagt mat á menningarverðmæti í nútímanum - geta tengt atburði menningasögunnar við okkar tíma - rökræða söguleg deilumál og þekki mismunandi sjónarmið - geta sýnt kunnáttu sína í ljósu og samfelldu máli - geta verið læs á fornan menningararf Evrópu - vinna sjálfstætt og setja fram sögulega greiningu á hugmyndum og atburðum þessa tímabils
Námsmat er útfært í kennsluáætlun í samræmi við skólanámskrá.