Í áfanganum eiga nemendur að læra að kenna börnum og unglingum undirstöðuatriði í blaki. Í byrjun verður farið í krakkablak sem er undirstaða undir blakið sjálft. Lögð er áhersla á kennslu knatttækni og leikfræði fyrir byrjendur. Farið er yfir reglur í greininni. Stefnt er að því að nemendur öðlist ákveðna grundvallar færni í greininni. Farið er yfir helstu atriði í þjálffræði barna og mikilvægi þess að leikurinn sé greindur sundur í smáar einingar og leikæfingar. Áfanginn er bæði bóklegur og verklegur. Nemendur æfa sig að kenna hvort öðru blak og krakkablak.
ÍÞRF2ÞJ05
Nemandi skal hafa öðlast þekkingu og skilning á:
- krakkablaki og blaki - blakreglum - ýmsum æfingum sem henta í þjálfun barna í blaki - helstu þjálfunaraðferðum í blaki
Nemandi skal hafa öðlast leikni í að:
- kenna leikfræði blaks - beita flautu og dæma blakleiki - sýna grunn færni í krakkablaki og blaki
Nemandi skal geta hagnýtt þá almennu þekkingu og leikni sem hann hefur aflað sér til að:
- útskýra leikfræði blaks - meta hvenær er þörf að beita flautu - dæma blakleiki - skipuleggja þjálfun fyrir börn og unglinga - sýna grunnfærni í krakkablaki og blaki
Námsmat er útfært í kennsluáætlun í samræmi við skólanámskrá