Í áfanganum eiga nemendur að læra að kenna börnum og unglingum undirstöðuatriði í frjálsum íþróttum. Lögð er áhersla á kennslu byrjenda í flestum greinum frjálsra íþrótta. Farið er yfir reglur í greininni. Stefnt er að því að nemendur öðlist ákveðna grundvallar færni í spjótkasti, kúluvarpi, kringlukasti, hástökki, langstökki, grindarhlaupi, boðhlaupsskiptingum og spretthlaupi. Farið er yfir helstu atriði í þjálffræði barna og æfingar kenndar sem þjálfa grunnatriðin í þessum greinum. Áfanginn er bæði bóklegur og verklegur. Nemendur æfa sig í að kenna hvert öðru.
ÍÞRF2ÞJ05
Nemandi skal hafa öðlast þekkingu og skilning á:
- ýmsum greinum frjálsra iþrótta - helstu keppnisreglum frjálsra íþrótta - ýmsum æfingum sem henta í þjálfun barna - helstu þjálfunaraðferðum í kastgreinum, stökkgreinum og hlaupum
Nemandi skal hafa öðlast leikni í að:
- kenna mismunandi greinar frjálsra íþrótta - sýna grunnfærni í mismunandi greinum frjálsra íþrótta
Nemandi skal geta hagnýtt þá almennu þekkingu og leikni sem hann hefur aflað sér til að:
- útskýra leikfræði frjálsra íþrótta - skipuleggja þjálfun fyrir börn og unglinga - sýna grunnfærni í frjálsum íþróttum
Námsmat er útfært í kennsluáætlun í samræmi við skólanámskrá