Í þessum áfanga er viðfangsefnið útivist og ferðamennska. Það er ítarlega farið yfir hvaða útbúnað þarf í lengri og styttri ferðir og að hverju þarf að huga þegar ferð er skipulögð. Farið er í hvernig við notum áttavita, rötun eftir korti og nýtum okkur GPS. Fjallað er um mikilvægi þess að ganga vel um náttúruna. Nemendur skipuleggja gönguferð og einnig verður farið í nokkrar styttri ferðir þar sem markmiðið er að kynnast ólíkum möguleikum til útivistar. Áfanginn er bæði bóklegur og verklegur.
ÍÞRF2ÞJ05
Nemandi skal hafa öðlast þekkingu og skilning á:
- klæðnaði og útbúnaði sem hentar til útivistar í íslensku veðri - hvað þarf að hafa í huga við skipulagningu gönguferða - öryggisatriðum í sambandi við gönguferðir og útivist - mismunandi möguleikum til útivistar
Nemandi skal hafa öðlast leikni í að:
- glíma við útiveru í mismunandi veðuraðstæðum - útbúa sig fyrir útiveru að ýmsu tagi - skipuleggja gönguferð í hóp - vinna saman í hópi, vera hvetjandi og sýna tillitsemi með öðrum göngufélögum
Nemandi skal geta hagnýtt þá almennu þekkingu og leikni sem hann hefur aflað sér til að:
- notað gönguferðir og útivist sér til ánægju og heilsubótar - undirbúið gönguferðir á fjöll og um óbyggðir Leiðbeint fólki varðandi útbúnað sem hentar til útivistar
Námsmat er útfært í kennsluáætlun í samræmi við skólanámskrá