Í áfanganum er fjallað um heimssöguna frá landbúnaðarbyltingunni til loka miðalda. Fjallað verður um sögu fornþjóða frá Súmerum til Rómverja sem og hvernig menning, samfélagsstofnanir og helstu atburðir á miðöldum mótuð Evrópu. Unnið verður í verkefnavinnu til að skilja og greina helstu atburði í sögu þessa tímabils og mikilvægi þeirra. Lagt verður mat á áhrif fyrrgreindra þátta og verður skorað á viðteknar hugmyndir þess tíma sem og okkar með því að beita gagnrýnni hugsun. Unnið verður með heimildir sem og skapandi verkefni sem ætlað er að dýpka skilning nemenda á viðfangsefninu.
5 einingar á 3. þrepi í sögu
Nemandi skal hafa öðlast þekkingu og skilning á:
- helstu þáttum/viðburðum heimssögunnar á fornöld og miðöldum - orsökum þeirra og áhrifum á framvindun mála - heimildaöflun - mikilvægi einstakra atburða og tengsl við samtíma þess og nútímann
Nemandi skal hafa öðlast leikni í að:
- færa rök fyrir máli sínu - vinna með heimildir - skrifa fræðilega texta - geta lýst aðstæðum á tilteknum tíma og rakið atburðarás í stórum dráttum - kynna ákveðið viðfangsefni sem byggir á ítarlegri heimildaöflun - skýra helstu viðburði tímabilsins - gera greinarmun á staðreynd og túlkun - draga sjálfur ályktanir - geta beitt gagnrýnni hugsun við rannsókn á mismunandi viðfangsefni - flytja af nokkru öryggi endursagnir, kynningar og lýsingar á tilteknum málefnum
Nemandi skal geta hagnýtt þá almennu þekkingu og leikni sem hann hefur aflað sér til að:
- kynna fræðilegt efni á viðeigandi hátt - færa rök fyrir niðurstöðum - gera sér grein fyrir orsökum og afleiðingum
Námsmat er tilgreint í kennsluáætlun og samræmist skólanámsskrá