Nemendur fá leiðsögn um ljósmyndun, uppbyggingu myndaramma og samspil ljóss og skugga. Tekið er á flestum atriðum er snerta þessa þætti og gerðar æfingar í myndatöku við mismunandi skilyrði. Nemendur læra um ljósop, fókusdýpt, zoom, ljósnæmni og linsur. Nemendur vinni með ljósmyndaforrit eins og Adobe Lightroom.
Nemandi skal hafa öðlast þekkingu og skilning á:
mynduppbyggingu.
eðli ljóss og skugga.
lokarahraða, ljósop og fókusdýpt.
ljósnæmi.
bjögun í linsum.
Nemandi skal hafa öðlast leikni í að:
taka ljósmyndir við mismunandi skilyrði.
velja skráarstaðal við hæfi.
vinna ljósmyndir í tölvuformi.
Nemandi skal geta hagnýtt þá almennu þekkingu og leikni sem hann hefur aflað sér til að:
spila með ljós og skugga við ljósmyndun.
byggja upp myndaramma.
beita fókusdýpt á markvissan hátt.
litgreina og eftirvinna ljósmyndir.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.