Í áfanganum er farið dýpra í efnisatriðin úr áfanganum Kvikmyndataka 1. Farið er nánar í kameruhreyfingar og mismunandi aðferðir við að hreyfa myndavélina, s.s. á teinum, með “dolly”, grip, steadycam (fjaðurstoð), á ferð og flugi. Nýjasta tækni í fjarstýrðum vélum verður skoðuð og hvaða áhrif ör þróun á tækjabúnaði hefur haft á kvikmyndatökur. Á námskeiðinu verður einnig farið frekar í tengda þætti, s.s. filtera, ljósfræði og linsufræði og mismunandi búnaður af þessu tagi skoðaður.
Undanfari: KVTA1KT04A
Nemandi skal hafa öðlast þekkingu og skilning á:
5 punkta lýsingu.
ljóshita og lit í mynd.
mismunandi tegundum og eiginleikum kvikmyndatökuvéla.
linsum og eiginleikum þeirra.
notkun ljósabúnaðar við mismunandi aðstæður.
búnaði við að ná hefðbundnum og óhefðbundnum skotum.
green screen.
skipulagi og hlutverki starfsmanna kvikmyndatökudeilda.
Nemandi skal hafa öðlast leikni í að:
nýta þekkingu við kvikmyndatöku.
finna leiðir til að leysa mismunandi verkefni við kvikmyndatöku.
greina kvikmyndahandrit upp í skotlista.
beita hreyfingu myndavéla með ýmsu móti.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að gerð kvikmynda þar sem hreyfitækni er nýtt.
beita linsum og filterum til að ná fram áhrifum.
vinna á umhverfisvænann hátt.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.