Það kom upp villa senda inn  Áfangi

    Áfangi Nánari upplýsingar


    Búið til: 1537188841.29

    Kvikmyndagerð II
    KVGE2KT08(BR)
    1
    Kvikmyndagerð - TS
    Kvikmyndatækni
    Samþykkt af skóla
    2
    8
    BR
    Framhald af áfanganum Kvikmyndagerð 1. Farið er í handritalæsi og mismunandi form á kvikmyndagerð. Skoðaðir eru mögulegir miðlar efnisins og hvert er líklegt að sú þróun haldi og skoðuð eru mismunandi efni sem þarf að miðla. Farið er í helstu tegundir sjónvarpsefnis og kvikmynda, stuttmyndir, heimildamyndir og bíómyndir og ólíkar aðferðir við handritaskrif. Farið er í eðlisþætti kvikmyndahandrita. Lögð verður áherslu á öryggisatriði á kvikmynda- og sjónvarpssetti. Nemendur vinna að eigin „gæluefni” sem þeir setja fram í netmiðli í lok annar. Áhersla er lögð á eðli myndrænna frásagna. Handrit verða krufin og rýnt í kvikmyndir út frá handritum og nemendur endurgera kvikmynd út frá handriti. Í gegnum samstarfsverkefni með leiklistardeild LHÍ verður farið í tækniatriði eins og atriðaskiptingu, uppbyggingu atriða og samtala þegar tekin verður upp leikin mynd.
    Undanfari: KVGE1KT08A
    Nemandi skal hafa öðlast þekkingu og skilning á:
    • grunnþáttum í uppbyggingu og framvindu handrita.
    • mikilvægi þess að huga stöðugt að öryggismálum á setti.
    • skilji mikilvægi starfa búningahönnuða, gervahönnuða og skrifta.
    • þriggja þátta uppbyggingunni: Kynning, flækja og lausn.
    • því hvernig saga hreyfir við tilfinningum áhorfanda.
    • tækjabúnaði og áhrifum tækniþróunar og nýrra miðla á greinina.
    • áhrifum menningarmismunar, mannréttinda og jafnrétti í faglegum samskiptum.
    Nemandi skal hafa öðlast leikni í að:
    • færa hugmynd/sögu yfir í myndræna frásögn og handrit.
    • nýta tækni, verklag og skapandi aðferðir í grunnþáttum kvikmyndagerðar.
    • skipuleggja almenna verkferla.
    • beita viðeigandi aðferðum við útfærslu verkþátta í gerð kvikmyndaverka.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skipta handriti niður í atriði og kunni skil á uppbyggingu samtala.
    • taka upp stuttmynd eftir tilbúnu handriti.
    • útfæra hugmyndir undir leiðsögn en með eigin frumkvæði og listræna sýn.
    Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar í starfsþjálfun. Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.