Í þessum áfanga er farið í grunninn að því sem snýr að framleiðslu. Hlutverk framleiðandans er kynnt og starf hans gróflega skoðað frá hugmynd að frumsýningu. Einnig er farið vel í störf innan framleiðsluteymis sem og störf og starfsvið annarra deilda í kvikmyndagerð. Undirstöðuatriði í skipulagi og kostnaðaráætlun kennd. Markvisst er farið í vinnuferlið við að koma handriti upp á hvíta tjaldið. Hvernig gæðum við orðin lífi. Farið er í skipulags- og sköpunarferlið, hvernig sagan er sögð með myndum, ákveðið hvernig hún verður tekin. Handritið teiknað, „floorplön“, „storyboard“.
Vinna með leikurum. Farið er í uppbrot á handritum og gerð tökuáætlunar.
Farið er nánar í kvikmyndaframleiðslu og samspil allra þátta innan framleiðslunnar s.s. gerð kostnaðaráætlunar og fjármögnun út frá hverju lokaverkefni. Umsóknarferli í Kvikmyndasjóð.
Nemandi skal hafa öðlast þekkingu og skilning á:
starfi framleiðanda og stöðugilda innan kvikmyndageirans.
mikilvægu hlutverki allra starfa sem koma að kvikmyndagerð.
mikilvægi skipulags og undirbúnings í kvikmyndargerð.
gerð kostnaðaráætlunar.
kynningu og markaðssetningu kvikmynda.
Nemandi skal hafa öðlast leikni í að:
búa til einfalt skipulag í kringum lítil verkefni.
skilja mikilvægi upplýsingagjafar og tileinki sér hana.
stilla upp einfaldri kostnaðaráætlun fyrir lítil verkefni.
Nemandi skal geta hagnýtt þá almennu þekkingu og leikni sem hann hefur aflað sér til að:
hafa yfirsýn yfir og manna verkefni.
sinna lægstu einföldu störfum innan framleiðsludeildar.
hafa skilning á skipulagi kvikmyndar og hæfni til að framfylgja því.
gera kostnaðaráætlun fyrir kvikmynd.
útbúa umsókn fyrir eigið handrit í kvikmyndasjóð og aðra sjóði.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.