Farið er dýpra í helstu þætti eftirvinnslu og klippingar með áherslu á heimildarmyndir og fréttamyndir. Nemendur þurfa að tileinka sér sjálfstæð vinnubrögð, hafa greinagóða hugmynd um hverju á að ná fram í heimildarmynd með stuðningi handrits. Hafa góða sýn á hvernig frétt er gerð skýr með góðri myndvinnslu. Leiðir til að stytta mynd án þess að missa efnisþráðinn eru prófaðar og æfðar.
Undanfari: KVMY2KT08B
Nemandi skal hafa öðlast þekkingu og skilning á:
uppbyggingu og framsetningu heimildamynda.
kröfum til frétta og fræðslumynda um uppbyggingu og framsetningu.
notkun áhrifamynda sem eiga við.
Nemandi skal hafa öðlast leikni í að:
klippa myndefni.
byggja upp klippilista sem miðar við að fræða um tiltekið efni.
búa til línulegt ferli í klippingu sem innleiðir skilning á viðfangsefninu.
klippa saman og ná fram fræðslu í myndskeiði án málalenginga.
Nemandi skal geta hagnýtt þá almennu þekkingu og leikni sem hann hefur aflað sér til að:
klippa kvikmynd, litgreina og nota áhrifatækni.
setja upp handrit og klippilista fyrir heimildar og fræðslumyndir.
setja saman fræðslumynd með markvissa nálgun á efni.
greina mynd tímalega og meta efni til styttingar.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.