Framhald af áfanganum Kvikmyndagerð II. Nemendur fá handrit í hendur sem þeir brjóta upp í skotlista og skoða leiðir til að ná góðri framsetningu á stuttmynd. Skoðaðar eru möguleikar í stúdíói til lýsingar, kvikmyndatöku og vinnslu til að segja sögu handrits á sem skýrastan hátt. Nemendur skipuleggja kvikmyndatöku, hljóðupptöku og lýsingu ásamt allri myndatökuvinnu. Síðan er farið með efnið í klippiherbergið og það unnið þar til komið er fullbúið verk með litgreiningu, hljóði og effectum eins og handrit krefst.
Undanfari: KVGE2KT08B
Nemandi skal hafa öðlast þekkingu og skilning á:
því að segja sögu með myndum.
grunnþáttum í uppbyggingu og framvindu handrita.
þriggja þátta uppbyggingunni: Kynning, flækja og lausn.
hvernig handrit er brotið upp í skotlista.
áhrifum menningarmismunar, mannréttinda og jafnréttis í faglegum samskiptum.
Nemandi skal hafa öðlast leikni í að:
færa hugmynd/sögu yfir í myndræna frásögn og handrit.
nýta tækni, verklag og skapandi aðferðir í grunnþáttum kvikmyndagerðar.
skipuleggja almenna verkferla.
beita viðeigandi aðferðum við útfærslu verkþátta í gerð kvikmyndaverka.
Nemandi skal geta hagnýtt þá almennu þekkingu og leikni sem hann hefur aflað sér til að:
skipta handriti niður í atriði og skrifa atriðalýsingar og kunna skil á uppbyggingu samtala.
kynna hugmynd í hnitmiðuðu, munnlegu, stuttu máli.
beita innsæi og tilfinningum við útfærslu hugmynda undir leiðsögn.
geta tekið þátt í samvinnu með sameiginleg markmið hópsins að leiðarljósi.
tileinka sér virðingu gagnvart viðfangsefninu og samstarfsfólki.
nýta almenna þekkingu, leikni og verkkunnáttu sem þeir hafa aflað sér.
skipuleggja eigin störf og forgangsraða verkefnum.
taka að sér ákveðna verkþætti í hópstarfi.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar í starfsþjálfun.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.