Nemendur komi að störfum tæknifólks á vinnustað. Nemendur kynnist öryggismálum og tileinki sér þau. Nemendur aðstoða eða grípa í störf tæknifólks og kynnist þannig vinnumenningu og starfsháttum. Nemendur tileinki sér jákvæðni í mannlegum samskiptum og virðingu gagnvart verkefnum sem tekist er á við. Nemendur kynnist þeim tækjum og búnaði sem notaður er.
Undanfari: 2. önn í kvikmyndatækni
Nemandi skal hafa öðlast þekkingu og skilning á:
öryggismálum á tökustað.
helsta búnaði sem notaður er.
hlutverkum starfmanna.
Nemandi skal hafa öðlast leikni í að:
beita öryggisreglum eins og við á.
aðstoða við tæknistörf á tökustað.
aðstoða við tæknistörf við eftirvinnslu.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með sérfræðingum í kvikmyndatækni.
skilja og virða fyrirmæli stjórnenda.
framkvæma og vinna á tökustað eða í eftirvinnslu skv. fyrirmælum.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.