Farið verður í kvikmyndasögu heimsins á nokkuð víðtækan máta. Upphaf kvikmyndagerðar verður skoðað og þróun kvikmyndamiðilsins í fullskapað frásagnarform reifuð. Stór hluti námskeiðsins fer í myndun Hollywood og sögu þess sem miðstöðvar kvikmyndagerðar í hinum vestræna heimi. Saga kvikmyndaveranna, ritskoðun og áhrif hennar á myndun hins klassíska stúdíókerfis verður skoðuð, þá verður farið í breytingar á stúdíókerfinu og þróun þess til dagsins í dag. Kvikmyndasaga annarra þjóða verður tekin fyrir, þar á meðal Íslands og dæmi skoðuð um mikilvægar myndir frá þeim.
Undanfari: KVFR1KT04AR
Nemandi skal hafa öðlast þekkingu og skilning á:
sögu kvikmyndanna.
helstu hugtökum um stefnur og strauma kvikmyndasögunnar.
áhrifum kvikmyndasögunnar á kvikmyndaframleiðslu.
ólíkum miðlunarleiðum í kvikmyndagerð.
samfélagslegu, lýðræðislegu, menningarlegu og efnahagslegu gildi kvikmyndaverka.
kvikmyndasögu Íslands og annarra þjóða.
Nemandi skal hafa öðlast leikni í að:
nýta þekkingu sína við lestur og skilning á rituðu efni um kvikmyndir.
greina ólík form kvikmynda og mismunandi aðferðafræði við meðhöndlun viðfangsefna.
setja kvikmyndir í sögulegt samhengi.
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í sögulegri umræðu um eigin verk og annarra.
skilja helstu stefnur kvikmyndasögunnar.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.