Viðfangsefni áfangans eru loftstýringar. Nemendur lesa úr algengustu loftstýritáknum, læra að hanna einföld loftstýrikerfi, tengja loftstýrikerfi og finna bilanir í þeim. Þá er farið yfir helstu íhluti loftstýrikerfa, virkni þeirra og teiknitákn. Auk þess hanna nemendur loftstýrikerfi, tengja þau og prófa.
Sveinspróf í rafvirkjun, rafvélavirkjun eða rafveituvirkjun.
Nemandi skal hafa öðlast þekkingu og skilning á:
loftstýrikerfum, íhlutum þeirra og virkni.
helstu loftstýritáknum.
hönnun einfaldra loftstýrikerfa, tengingu þeirra og prófunum.
hvernig tengja á loftstýrikerfi.
bilanagreiningu og helstu bilunum í loftstýrikerfum.
Nemandi skal hafa öðlast leikni í að:
teikna og hanna loftstýrikerfi.
nýta við það loftstýritákn.
tengja loftstýrikerfi.
prófa loftstýrikerfi og finna helstu bilanir í þeim.
Nemandi skal geta hagnýtt þá almennu þekkingu og leikni sem hann hefur aflað sér til að:
hagnýta þekkingu sína til að gera flæðirit til að leysa stýriverkefni.
tjá sig um og leiðbeina öðrum um eiginleika og tengingu loftstýrikerfa.
nýta sérhæfða þekkingu sína til að hanna, prófa og bilanagreina loftstýrikerfi.
sýna frumkvæði og sjálfstæði í vinnubrögðum sem tengjast loftstýrikerfum.
geta nýtt sér þekkingu sína og leikni á gagnrýnin og uppbyggilegan hátt.
Námsmat grundvallast á verkefnavinnu nemenda og prófum.