Í áfanganum læra nemendur um hina ýmsu íhluti brunaviðvörunarkerfa, eiginleika þeirra, notkunarsvið, lagnir og tengingar. Þá er fjallað um öryggis- og brunafræði, reglur um brunaviðvörunarkerfi ásamt uppsetningu og viðhaldi slíkra kerfa.
Fylgt er reglugerð um brunavarnir, einnig læra nemendur skil á brunahólfun mannvirkja, hinum ýmsu gerðum brunaþéttinga, eiginleikum þeirra, notkunarsviði og helstu reglum þar um.
Sveinspróf í rafvirkjun, rafvélavirkjun eða rafveituvirkjun.
Nemandi skal hafa öðlast þekkingu og skilning á:
brunaviðvörunarkerfum og hinum ýmsu íhlutum þeirra.
eiginleikum brunaviðvörunarkerfa, notkunarsviði, lögnum og tengingum.
reglum um uppsetningu og viðhald brunaviðvörunarkerfa.
grundvallaruppbyggingu, eiginleikum og hlutverki einstakra íhluta brunaviðvörunarkerfa.
helstu brunahólfum mannvirkja, hinum ýmsu gerðum brunaþéttinga, eiginleikum þeirra, notkunarsviði.
reglum um brunahólf mannvirkja.
Nemandi skal hafa öðlast leikni í að:
setja upp brunaviðvörunarkerfi.
halda við brunaviðvörunarkerfum.
nota hina ýmsu íhluti brunaviðvörunarkerfa.
fylgja reglum um öryggis- og brunafræði.
fylgja reglum um brunahólf mannvirkja.
leggja brunaþéttingar milli brunahólfa í byggingum.
Nemandi skal geta hagnýtt þá almennu þekkingu og leikni sem hann hefur aflað sér til að:
geta tileinkað sér nýjungar í brunaviðvörunum.
setja upp, halda við, stilla og prófa rásaskipt brunaviðvörunarkerfi.
tjá sig um og leiðbeina öðrum um brunaviðvörunarkerfi og íhluti þeirra.
nýta sérhæfða þekkingu sína til að setja upp og halda við rásaskiptum brunaviðvörunarkerfum.
bera ábyrgð á brunaþéttingum með lögnum sem hann leggur milli brunahólfa í byggingum.
sýna frumkvæði og sjálfstæði í vinnubrögðum við brunaviðvörunarkerfi.
geta nýtt sér þekkingu sína og leikni tengda öryggis- og brunakerfum.
ljúka prófi sem veitir heimild til að setja upp og sjá um viðhald á rásaskiptum brunaviðvörunarkerfum.
Áfanginn endar með prófi sem veitir þeim er það standast heimild til að setja upp og sjá um viðhald á rásaskiptum brunaviðvörunarkerfum.