Nemendur fá innsýn inn í ólíka tegundir sjónvarpsþátta þar sem farið verður í mismundandi form og aðferðir við að framleiða þætti af ýmsum toga. Nemendur framleiða magasín þátt. Þeir leggjast í hugmyndavinnu og velja í sameiningu eina hugmynd sem þeir svo þróa áfram. Þriggja manna teymi sem gera innslög og allir hóparnir vinna saman að umgjörð þáttarins. Þátturinn getur verið lífstílsþáttur, fréttaþáttar, spjallþáttur / skemmtiþáttur, mótorþáttur, matreiðsluþáttur og svo framvegis. Nemendur sjá sjálfir um hugmyndavinnu, framleiðslu, upptökur og eftirvinnslu með leiðsögn og eftirfylgni kennara.
Nemandi skal hafa öðlast þekkingu og skilning á:
mismunandi tegundum þáttagerðar.
vinnuferli á bakvið þáttagerð.
hafi innsýn inn í starf þáttagerðarfólks.
hafi innsýn inn í fjölmyndavélavinnslu.
Nemandi skal hafa öðlast leikni í að:
skipuleggja þáttagerð.
taka upp efni sem nýtist í þáttagerð.
klippa og vinna efni sem tekið er upp.
taka upp efni í beinni útsendingu á margar myndavélar í einu.
Nemandi skal geta hagnýtt þá almennu þekkingu og leikni sem hann hefur aflað sér til að:
þróa hugmynd að sjónvarpsþætti.
skipuleggja ferlið frá hugmynd að þáttagerð.
geta greint á milli hvað er stór hugmynd og lítil hugmynd þegar kemur að þáttagerð.
Námsmat byggir á verkefnum nemenda og hvernig þeir standa sig við útfærslu þeirra í tímum. Einnig er tekið tillit til áhuga og ástundunar ásamt útfærslu og frágangi á verkefnum.
Nemendur skila greinargerðum og verkefnum sem eru metin til einkunna. Ferilmappa áfangans (portfólíó) er hluti af lokaeinkunn.