Markmið áfangans er að nemendur læri grundvallaratriði í teikningu. Lögð er áhersla á að þjálfa formskilning nemenda með greiningu einfaldra forma. Grunnþættir teikningarinnar, lína, ljós og skuggi eru kannaðir. Nemandinn mælir og greinir form hlutanna og öðlast þjálfun í teikningu einfaldra hluta. Í fyrstu er unnið með samsíða vídd en í framhaldi kynnist nemandinn undirstöðuatriðum í fjarvídd og hlutfallamælingu og því hvernig þrívíð viðfangsefni eru yfirfærð á tvívíðan flöt pappírsins.Unnið er með blæbrigði línunar og grátónaskala blýantsins. Fjallað er um myndbyggingu og kynntir eru ýmsir listamenn sem tengjast efninu hverju sinni.
Nemandi skal hafa öðlast þekkingu og skilning á:
muninum á mjúkum og hörðum blýanti
helstu teikniáhöldum
heitum og helstu einkennum frumformanna
ýmsum hugtökum sem unnið er með í teikningu, s.s. stór og lítill og nær og fjær
beinni og boginni línu
Nemandi skal hafa öðlast leikni í að:
teikna eftir ákveðinni en einfaldri fyrirmynd
teikna frumformin
beita helstu teikniáhöldum
teikna beina og bogna línu
Nemandi skal geta hagnýtt þá almennu þekkingu og leikni sem hann hefur aflað sér til að:
teikna einföld form eða hluti með algengustu teikniáhöldum
vinna á sjálfstæðan og persónulegan hátt að verki sínu