Markmið áfangans er að nemendur kynnist eiginleikum og virkni lita. Unnið er með grunnlitina þrjá, svart og hvítt. Nemendur vinna með litahringinn, blanda liti, kanna ljósmagn, litatóna, vægi og innbyrðis áhrif og virkni lita í umhverfi. Þá rannsaka nemendur andstæður og samstæður og þátt litarins í myndbyggingu og fjarvídd og skoða tengsl lita við tilfinnnigar.
Nemandi skal hafa öðlast þekkingu og skilning á:
litahringnum út frá þremur frumlitum
andstæðum litum
heitum og köldum litum
grátónaskala
Nemandi skal hafa öðlast leikni í að:
blanda liti og litatóna
vinna með grátónaskala
skapa fjarvídd með litum
vinna með fjölbreytt litarefni
Nemandi skal geta hagnýtt þá almennu þekkingu og leikni sem hann hefur aflað sér til að:
blanda liti og nota við gerð persónulegra myndverka
nota liti til að koma til skila ákveðinni tilfinningu