Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helstu hagstærðir þjóðarbúsins og innbyrðis tengsl þeirra.
Meginþættir í efnahagsþróun eru teknir fyrir og hagræn vandamál skoðuð með dæmum úr íslensku efnahagslífi. Kynnt er margvísleg framsetning á hagfræðilegu efni. Nemendur fá þjálfun í að lesa úr línuritum og innsýn í notkun vísitalna, hlutfallareiknings, vegins meðaltals og fleiri algengra aðferða við vinnslu á hagfræðilegum upplýsingum. Áhersla er lögð á að nemendur geti hagnýtt sér netið til öflunar hagfræðilegra upplýsinga.
HAGF2HA05
Nemandi skal hafa öðlast þekkingu og skilning á:
- útreikningi á markaðsjafnvægi og verðteygni út frá gefnum stæðfræðilegum forsendum um eftirspurn og framboð - helstu aðilum og launamyndun á vinnumarkaði - hringrás opins og blandaðs hagkerfis - ráðstöfunaruppgjöri og útreikningum þjóðhagsstærða - umsvifum hins opinbera í efnahagslífinu og aðferða til fjármögnunar þeirra - öðlist skilning á efnahagslegu samhengi í þjóðfélaginu
Nemandi skal hafa öðlast leikni í að:
- taka þátt í efnahagsumræðu út frá faglegu sjónarmiði og með gagnrýnni hugsun - hagnýta netið á ábyrgan og gagnrýnin hátt - nýta netið til öflunar upplýsinga og þekkingar í hagfræði
Nemandi skal geta hagnýtt þá almennu þekkingu og leikni sem hann hefur aflað sér til að:
- gera sér grein fyrir grunnatriðum þjóðhagfræðinnar - tjá sig um grunnatriði þjóðhagfræði á skýran hátt - takast á við áframhaldandi nám í hagfræði
Námsmat er útfært í kennsluáætlun í samræmi við skólanámskrá.