Í áfanganum er lögð áhersla á grunnhugtök og kenningar í stjórnun og markaðsfræði. Leitast er við að veita nemendum innsýn í störf stjórnenda og efla skilning nemenda á gildi markaðsstarfs.
Nemendur kynnast m.a. helstu þáttum í markaðsrannsóknum og mikilvægi stjórnunar og skipulagningar fyrir einstaklinginn, fyrirtækið og samfélagið.
Nemandi skal hafa öðlast þekkingu og skilning á:
- þróun stjórnunar sem fræðigreinar - tilgangi og hugmyndafræði markaðsfræðinnar - helstu stjórnunarkenningum og stjórnunarstílum - þýðingu markaðsstarfs fyrir fyrirtæki og samfélag - grunnþekkingu í mannauðsstjórnun
Nemandi skal hafa öðlast leikni í að:
- beita algengustu hugtökum stjórnunar og markaðsfræði - þekkja til helstu samkeppnisforma og mikilvægustu þátta samkeppnisgreiningar - þekkja mikilvægi markaðsrannsókna - þekkja siðferðileg álitamál er varða markaðsrannsóknir
Nemandi skal geta hagnýtt þá almennu þekkingu og leikni sem hann hefur aflað sér til að:
- tjá skoðanir sínar á grunnatriðum í stjórnun og markaðsfræðum - nýta grunnþekkingu sína í stjórnun og markaðsfræðum - auka þekkingu sína í stjórnun og markaðsfræðum
Námsmat er útfært í kennsluáætlun í samræmi við skólanámskrá.